“ජෙඟු ජෙඟු ජෙඟු ජෙඟක්කු ජෙං ජෙඟත් ජෙඟු ජෙංකු…” ඒ පූජා පදේ ශබ්දයයි. මේ පදේත් වෙනස් කරනවා ඊළඟ බුද්ධ පුජාව තිබ්බම.
“ජෙංඟු ජෙඟු ජෙඟු ජෙඟක්කු ධිං කිතක් තක් කිතක් කිතක් තක්…”
හවසට තේවාව කරන අවස්ථාවේදි හේවිසි ගහනවට කියන්නේ “හැන්දෑ දූරේ” කියලයි. හවස හයයි කාලට හැන්දෑදූරේ පටන් ගන්නවා. හවස ගහන්නෙත් අලුයන්දුරේ හේවිසි පදේමයි. දවුල් තුනයි, තම්මැට්ටම් දෙකයි, නළාවයි හේවිසියට ගන්නවා. එ්කට කලා ශිල්පීන් හයදෙනෙක් විතර ඉන්න ඹ්නේ.
රජ සමයේ ඉඳලා දළදා තේවාවට හේවිසි ගහන්න පත්කරපු කණ්ඩායම් ඉන්නවා. ඉහළ දොළොස්පත්තුවෙන්, පහළ දොළොස්පත්තුවෙන්, දුම්බරින්, මාදල ආදි ප්‍රදේශවලින් ඒ සදහා රාජකාරිකරුවන් රජසමයේ පත්කර තිබෙනවා. මේ සදහා රජතුමා පත්කළ පිරිස අතීතයේ හැදින්වුයේ පනික්කි කියලයි.
