වෙසක් මංගල්‍යය යෙදී ඇති හෙට ( 2024 මැයි 23 ) සහ අනිද්දා ( 2024 මැයි 24 ) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට ගරු දියවඩන නිලමේ ප්‍රදීප් නිලංග දෑල මහතා හා ශ්‍රී දළදා මාලිගාවේ කාර්ය්‍ය මණ්ඩලය කටයුතු සම්පාදනය කර ඇත. ඒ මල්වතු හා අස්ගිරි උභය මහා විහාරීය අතිගරු මහානායක මාහිමිපාණන් වහන්සේලාගේ උපදෙස් හා අනුශාසණා පරිදි වේ. ඒ අනුව ප්‍රණීත හා සෞඛ්‍ය ආරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දීමට නියමිතයි. පෝය දින දෙක ඇතුළුව සති අන්ත දීර්ඝ නිවාඩුවක් මෙවර යෙදී ඇති බැවින් මහනුවරට සහ දළදා මාලිගාවට විශාල බැතිමතුන් ප්‍රමාණයක් පැමිණෙතැයි අපේක්ෂා කෙරේ.
