එකම කාල සීමාවන් දෙකක මෙරට ප්රධාන දේවාලයන් දෙකෙහි බස්නායක නිලමේවරයා වශයෙන් කටයුතු කළ ප්රතමයා වීම සුවිශේෂී කරුණක්. කන්ද උඩරට ඇසළ මහා පෙරහර මංගල්ලයට පමණක් දෙවෙනි වන රුහුණු මහා කතරගම දේවාලයේ හා සබරගමු මහ සමන් දේවාලයන්හි පෙරහර මංගල්ලයන් ද පැවැත් වූ බස්නායක නිලමේවරයෙකු වශයෙන් ඒ මහතා ලබා ගත් අත්දැකීම් සුවිශාලය.
මෙලෙස ලද අත්දැකීම් සමඟින් මහනුවර ඓතිහාසික ශ්රී දළදා මාලිගාවේ 19 වෙනි දියවඩන නිලමේවරයා වශයෙන් 2005 ජූලි මස 21වන දා පදවිප්රාප්ත වන ප්රදීප් නිලංග දෑල මහතා අනතුරුව 2015 වසරේ පැවති නිලවරණයෙන් දෙවෙනි වතාවටත් තේරීපත් වූ අතර, 2025 පැවති නිලවරණයෙන් එතුමා තුන්වෙනි වරටත් ශ්රී දළදා මාලිගාවේ දියවඩන නිලමේවරයා වශයෙන් තේරිපත් වන්නට භාග්ය ලද්දේය. ශ්රී දළදා මාලිගා ඉතිහාසයේ දියවඩන නිලමේ ධූරාවලියේ අඛණ්ඩව තුන් වතාවක් පත් වූ එකම දියවඩන නිලමේවරයා ලෙස මෙය ඉතිහාසගත වේ.
මහනුවර ඓතිහාසික ශ්රී දළදා මාලිගාවේ දියවඩන නිලමේවරයා වශයෙන් 2005 වසරේ ඉදිරිපත් කළ තම ප්රතිපත්ති ප්රකාශය අරුත් ගන්වමින් එහි වගකීම් හා යුතුකම් මනාව අවබෝධ කරගනිමින්, දැවැන්ත සංවර්ධන කාර්ය්යභාරයක් දියත් කල ප්රදීප් නිලංග දෑල දියවඩන නිලමේ වරයා, 2005 වසරේ සිට ගෙවී ගිය කාලය පුරාවට සිදුකල මෙහෙය ජන සම්භාවනාවට පාත්ර වී තිබේ.
රත්නපුර දිස්ත්රික්කයේ දෑල නම් සුන්දර ගම්මානයේ දී ඩික්සන් සරත්චන්ද්ර දෑල මැතිතුමාට හා එම මැතිණියට දාව වර්ෂ 1973 ඔක්තෝබර් 28 වන දින ගොඩැල්ල වලව්වේ දී මෙලොව එළිය දුටු වනිගසේකර වනසිංහ මුදියන්සේ රාළහාමිලාගේ ප්රදීප් නිලංග දෑල දරුවාගේ මෑණියන් වන සිසාර දෑල මැතිණිය දිගුකලක් ගුරුවරියක් ලෙස සේවයකොට විශ්රාම ලැබීමෙන් පසු පැවිදි දිවියට එළඹ පැලවත්ත අශෝකා භාවනා අසපුවේ අද වැඩ වසයි.
1978 දී කොළඹ තර්ස්ටන් විද්යාලයට ඇතුලත්ව මූලික සිප්සතර හදාරන ඔහු ද්විතීයික අධ්යාපනය සඳහා 1980 වසරේ දී කොළඹ නාලන්දා විදුහලට ඇතුලත් වනවා. 1992 දී නාලන්දාවේ කීර්තිමත්ම ශිෂ්යාට හිමි සම්මානය ද හිමිකර ගත් ඔහු නාලන්දාවේ ජ්යෙෂ්ඨ ශිෂ්ය නායකයා වශයෙන් ද කටයුතු කර ඇත. පාසලේ වාණිජ සංගමය, සාහිත්ය සංගම්, බෞද්ධ සංගම් වැනි ශිෂ්ය ක්රියාකාරකම් රැසකට ද ඔහු නායකත්වය ලබා දී ඇත.
