2026 ඓතිහාසික කන්ද උඩරට ඇසළ පෙරහර මංගල්ලයේ දින වකවානු ප්‍රකාශයට පත් කෙරේ.

2026 වර්ෂයේ ඓතිහාසික කන්ද උඩරට ඇසළ පෙරහර මහා මංගල්ලය සහ ඒ හා බැඳුණු සාම්ප්‍රදායික චාරිත්‍ර විධි පැවැත්වෙන දින වකවානු පිළිබඳව මාධ්‍ය දැනුවත් කිරීමේ විශේෂ හමුවක් 2026 ජූලි 08 පස්වරුවේ ශ්‍රී දළදා මාලිගාවේ ශ්‍රවණාගාරයේ දී පැවැත්විණි.

ඒ අනුව, මෙවර කුඹල් පෙරහර මංගල්ලය අගෝස්තු මස 18 වෙනි දා සිට 22 වෙනි දා දක්වා ද, රන්දෝලි පෙරහර මංගල්ලය අගෝස්තු මස 23 වෙනි දා සිට 27 වෙනි දා දක්වා ද පැවැත්වීමට නියමිත ය. අනතුරුව අගෝස්තු 28 වන දින අලුයම දිය කැපීමේ චාරිත්‍රය සිදු කිරීමෙන් පසු, එදින දහවල් පෙරහර වීදි සංචාරය කිරීමෙන් මෙවර ඇසළ පෙරහර මංගල්ලය නිමාවට පත්වේ.

සියම් මහා නිකායේ අස්ගිරි මහා විහාර පාර්ශ්වයේ අතිගෞරවාර්හ අනුනායක නාරම්පනාවේ ආනන්ද හිමිපාණන් වහන්සේගේ ප්‍රධානත්වයෙන් පැවැති මෙම සාකච්ඡාව සඳහා ශ්‍රී දළදා මාලිගාවේ ගරු දියවඩන නිලමේතුමා, බස්නායක නිලමේවරුන් මෙන්ම අදාළ රාජ්‍ය ආයතනවල උසස් නිලධාරීහු පිරිසක් ද එක්ව සිටියහ.

Dates Announced for the Historic Kandy Esala Perahera Festival 2026

A special media briefing to announce the schedule and traditional rituals of the historic 2026 Kandy Esala Perahera festival was held on 08th July 2026,afternoon at the auditorium of the Sri Dalada Maligawa.

Accordingly, the Kumbal Perahera festival is scheduled to be held from August 18 to 22, followed by the Randoli Perahera festival from August 23 to 27. This year’s Esala Perahera festival will conclude with the water-cutting ceremony (Diya Kepeema) in the early hours of August 28, followed by the Day Perahera parading the streets later that day.

The discussion was presided over by the Most Venerable Narampanawa Ananda Thera, Anunayake Thera of the Asgiri Maha Vihara Chapter of the Siam Maha Nikaya. Hon. Diyawadana Nilame of the Sri Dalada Maligawa, Basnayake Nilames, and several high-ranking officials from relevant government institutions were also present at the occasion.

මෙරට නිල සංචාරයක නිරත වන පාකිස්තාන ආරක්ෂක ලේකම් ලුතිනන් ජෙනරල් (විශ්‍රාමික) මුහම්මද් අලි මහතා 2026 ජුලි 04 වන දින පෙරවරුවේ මහනුවර ඓතිහාසික ශ්‍රී දළදා මාලිගාව වෙත පැමිණියා.

Pakistan’s Defense Secretary, Lieutenant General (Retired) Muhammad Ali, currently on an official tour in Sri Lanka, visited the historic Sri Dalada Maligawa in Kandy on 04th July 2026.

ශ්‍රී දළදා මාලිගාවේ වාර්ෂික පොසොන් පෙරහර මෙවරත් චිරාගත සම්ප්‍රදායානුකූලව 2026 ජුනි 29 දින යෙදුනු පොසොන් පුර පසළොස්වක පොහෝදා සන්ධ්‍යාවේ වීදි සංචාරය කරනු ලැබුවා. සධාතුක පෙරහර කරඬු වහන්සේ වැඩම වීම සිදු කලේ ශ්‍රී දළදා මාලිගා ඇත්ගාලේ මගුලැතු ඉන්දි රාජා විසිනී.

According to traditions the annual Poson Perahera of the Temple of the Sacred Tooth Relic paraded the streets on 29th June 2026 on Poson full moon Poya. The Relic casket was carried by Indi Raja Tusker of Sri Dalada Maligawa stables.

2026 ජුනි 29 දින යෙදෙන පොසොන් පොහොය දිනය නිමිත්තෙන් ශ්‍රී දළදා මාලිගාවේ පැල බෙදා දීමේ දන්සැල පෙරවරුවේ සිදු වුයේ ගරු දියවඩන නිලමේ තුමාගේ මූලිකත්වයෙනි.

අද එනම් 2026 ජුනි 05 වන දිනට යෙදෙන ලෝක පරිසර දිනය නිමිත්තෙන්, ශ්‍රී දළදා මාලිගාවේ මහමළුවේ තවත් ශාකයක් රෝපණය විය. ආගමික වශයෙන් වැදගත්කමක් ඇති, අටවිසි බෝධීන්ට අයත් “කිණිහිරිය” ශාකයක් මේ රමණීය පරිසරයට එක්විය.

මහාවිහාර වංශික ස්‍යාමෝපාලි මහානිකායේ අස්ගිරි මහාවිහාර පාර්ශ්වයේ අති ගෞරවාර්හ අනුනායක ශාස්ත්‍රපති, පණ්ඩිත නාරම්පනාවේ සද්ධර්ම වාගීෂ්‍වර ශ්‍රී සුමනතිස්ස ආනන්දාභිධාන අනුනායක නාහිමිපාණන් වහන්සේට සහ එම පාර්ශ්වයේ මහ ලේඛකාධිකාරී, ශාස්ත්‍රපති පූජ්‍ය මැදගම ධම්මානන්ද නාහිමිපාණන් වහන්සේට අස්ගිරි මහාවිහාරීය මංගල උපෝසථාගාරයේ දී උපාධ්‍යාය ඨානාන්තර පිරිනමා තිබෙනවා. ඒ අස්ගිරි පාර්ශ්වයේ මහා නායක අති ගෞරවාර්හ වරකාගොඩ ධම්මසිද්ධි ශ්‍රී පඤ්ඤානන්‍ද ඤාණරතනාභිධාන මාහිමිපාණන් වහන්සේ විසිනී. බුදු සසුනෙහි ඇතිවූ මුල්ම පදවියක් මෙන්ම උත්තරීතර පදවි ඨානාන්තරයක් ලෙස උපාධ්‍යාය පදවිය සැළකේ. එය නවක භික්ෂූන් වහන්සේලා සසුන් පිළිවෙතෙහි හික්මවනු පිණිස ඇති කළ එකකී.

සම්බුද්ධ ශාසනයේ මතු චිර පැවැත්ම උදෙසා සියම් මහා නිකායේ මල්වතු හා අස්ගිරි උභය මහා විහාර විසින් සිදුකරන වාර්ෂික උපසම්පදා විනයකර්මය සඳහා වූ “වාහලනාග පෙරහර” වෙසක් පොහෝ දින එනම් 2026 මැයි 30 වන දින සම්ප්‍රදායානුකූලව පවත්වන ලදී.

තිලෝගුරු සම්මා සම්බුදු පියාණන් වහන්සේගේ අසිරිමත් තෙමඟුල සිහිකරමින් ශ්‍රී දළදා මාලිගාවේ වාර්ෂික වෙසක් පෙරහර මෙවරත් චිරාගත සම්ප්‍රදායානුකූලව 2026 මැයි 30 වන දින වීදි සංචාරය කරන ලදී. දළදා මාලිගා ඇත් පන්තියේ සිංදු සහ දෑල වලව්වේ බණ්ඩා හස්ථිරාජයින් දෑලේ පිරිවරාගත් ඉන්දිරාජා හස්ථියා පිට සධාතුක පෙරහර කරඬු වහන්සේ වැමවමින්, වෙසක් පෙරහර මහමළුව මාර්ගයේ ගමන්කර පංසල පාරේ ඉහළටවිත් ගෙවදින ලදි.

The annual Vesak procession of the Temple of the Sacred Tooth Relic was held on 30st May 2026 in commemoration of the Birth, Enlightenment, and Mahaparinibbana of Lord Buddha. The Relic Casket was carried by Indiraja, accompanied by the tuskers Sindu and Banda. The procession proceeded along the Mahamaluwa and returning to the Temple of the Tooth via Temple Road.